Pam Dylen Ni Greu Palas Hwyl?

Yn benodol ar gyfer lleoliadau, adeiladau, sefydliadau a grwpiau – ac mae’n ddefnyddiol i unigolion hefyd.

Mae Palasau Hwyl yn ymgyrch barhaus dros ddiwylliant wrth wraidd cymuned a chymuned wrth wraidd diwylliant, gyda phenwythnos blynyddol o weithredu ar y cyd bob mis Hydref. 

Rydym yn cefnogi adeiladau, lleoliadau, sefydliadau, grwpiau ac unigolion i greu eu digwyddiadau cymunedol eu hunain, gan daflu goleuni ar sgiliau, angerdd a brwdfrydedd pob lleoliad, fel y gellir eu rhannu’n ehangach ac yn fwy cyfartal.  Mae Palasau Hwyl yn ymwneud â chyfranogiad gweithredol ac ymarferol i bobl o bob oedran a phob lefel o brofiad a chymryd rhan. 

Ers y penwythnos Palasau Hwyl cyntaf yn 2014 cynhaliwyd bron 2100 o Balasau Hwyl, wedi’u creu gan fwy na 40,000 o bobl leol, a gyda bron hanner miliwn yn cymryd rhan mewn 16 gwlad. 

Cred Palasau Hwyl y dylai pawb ac unrhyw un fedru creu a rhannu’r diwylliant sy’n bwysig iddynt. Mwy amdanom ni a’r ymgyrch. 

BETH YW PALAS HWYL?

Mae Palasau Hwyl yn cynnwys popeth o Theatrau yn Sheffield sy’n agor eu drysau ac yn croesawu miloedd o bobl leol i ddod yn fwy cyfarwydd â’u lleoliadau, gan brofi’r adeilad fel un y maen nhw’n berchen arno’n wirioneddol – dim bwys os ydynt yn dod i weld sioe ai beidio – i grŵp cymunedol bach sy’n cymryd gofod drosodd yn yr amgueddfa leol ac yn arwain eu Palas Hwyl eu hunain ar gyfer eu cymdogion, gan dyfu o flwyddyn i flwyddyn fel y mae Palas Hwyl Farnham wedi’i wneud. 

“Pa ffordd well sydd o gynnal dynoliaeth mewn dyfodol ansicr na chryfhau cysylltiadau cymunedol ac ysbryd cymunedol trwy ennyn diddordeb a chymryd rhan mewn ffordd ddifyr. Aiff yr angen am Balasau Hwyl y tu hwnt i weithgareddau am ddim i’w mwynhau er mwyn cael hwyl (er mor anhygoel a phwysig y mae hynny!), mae hefyd yn darparu cyfleoedd i bobl leol weithio ar y cyd ac ymfalchïo mewn cyflawni digwyddiad neu weithgaredd. Mae’r ymdeimlad o falchder a chyflawniad a welwn gyda phob Palas Hwyl yn cynhesu’r galon ac yn dod â phobl leol ynghyd – dyna pam rydym yn parhau i gefnogi Palasau Hwyl. Mae’n gyfle go iawn i greu cysylltiadau go iawn a ffrindiau go iawn, i ddysgu oddi wrth ein gilydd a dathlu’r hyn sy’n unigryw ac yn gyffrous am ein tref a’r bobl sy’n byw yma.” 

Palas Hwyl Royal and Derngate, Northampton

“Maent (Palasau Hwyl) yn newid y canfyddiad sydd gennym o’n lle yn y gymuned. Maent yn annog ymgysylltu, cydweithredu, rhannu cymdeithasol a dealltwriaeth.” 

Palas Hwyl Farnham, Surrey

 “Y mwyafrif o’r gweithdai sy’n digwydd heddiw, y rhan fwyaf o’r gweithgareddau, ein Hymgynghorwyr Hwyl Radical, maent yn aelodau o gymunedau dydyn ni byth wedi cydweithio â nhw o’r blaen, ac yn awr mae gennym berthynas â’r holl gymunedau a chynulleidfaoedd gwahanol hyn, a gallwn ni adeiladu ar hynny.”

Amgueddfa Forol Genedlaethol, Greenwich

PA WAHANIAETH ALLWCH CHI WNEUD GYDA PHALAS HWYL?

Mae Palasau Hwyl yn gyfle i greu gyda chroestoriad llawn o’ch cymuned leol: 

• Bob blwyddyn rydym wedi ymestyn allan i gymunedau MWY amrywiol, gyda chyfranogwyr yn dod o ystod ehangach o gefndiroedd ethnig a chymdeithasol-economaidd.
• Mae creu Palas Hwyl yn tyfu cysylltiadau lleol. Yn 2018, bu i 85% o Grewyr gynnwys rhywun newydd yn y tîm Crewyr a nododd 90% eu bwriad i gadw mewn cysylltiad.
• Mae cyfranogwyr a chrewyr Palasau Hwyl yn dweud wrthym bod cymryd rhan mewn ymgyrch genedlaethol a rhyngwladol yn helpu nhw i daflu goleuni ar y gwaith anhygoel sydd eisoes yn cael ei wneud yn lleol.
• Mae’r ymgyrch Palasau Hwyl – a’n presenoldeb yn y wasg ac ar gyfryngau cymdeithasol – yn cefnogi Crewyr a chyfranogwyr i dyfu dealltwriaeth bod diwylliant yn perthyn i ni i gyd, fel crewyr yn ogystal â fel defnyddwyr. 
• Mae’r Pencadlys Palasau Hwyl yn cefnogi datblygiad Palasau Hwyl lleol gydag adnoddau ar-lein a deunyddiau printiedig.
• Mae Palasau Hwyl yn gweithredu ymgyrch gyfathrebu gynhwysfawr bob blwyddyn yn genedlaethol ac yn lleol, ynghyd â gwerthusiad llawn o’n gwaith, a bydd y rhain yn eich cynnwys chi. 

“Ymgyrch yw Palasau Hwyl i atal y diwylliant sy’n gweld pobl yn cael eu gorchymyn beth i’w wneud ac i helpu pobl i wneud beth maen NHW eisiau gwneud.”

Jack Morrison, Llysgennad Palasau Hwyl, Cernyw

“Mae’n torri ar draws y cenedlaethau, ar draws dosbarth cymdeithasol, ar draws rhyw a diwylliant, gan ddod â chymuned ynghyd sydd â’i threftadaeth, hanes ac atgof ei hun, ac uwchlaw popeth mae’n HWYL.”

Palas Hwyl Grays, Essex

Cofrestrwch nawr

Crëwch Balas Hwyl 30 Medi / 1 / 2 Hydref 2022 (neu ar unrhyw ddyddiad arall yn ystod y flwyddyn)

Crëwch eich Palas Hwyl