Mae pawb yn y Palasau Hwyl yn gweithio’n rhan amser ac yn hyblyg.
Mae’r Palasau Hwyl yn ymgyrch i wneud y sector diwylliannol yn decach, yn fwy cynhwysol, mwy llewyrchus a mwy o hwyl. Rydyn ni’n gweithio’n galed i ddathlu bywydau diwylliannol pawb, llais pawb, natur unigryw pawb. Felly, rydyn ni’n gofalu am ein gilydd yn y gwaith, yn datblygu ein rolau o gwmpas y bobl sy’n eu gwneud, ac yn parchu bywydau pobl y tu hwnt i’r gweithle. Rydyn ni’n gweithio ar ffurfioli ein polisïau. Mae cyfiawnder cymdeithasol a thegwch wrth wraidd popeth a wnawn, ac rydyn ni bob amser yn gweithio’n galed i wneud yn well. Rydyn ni eisiau i’r Palasau Hwyl fod yn weithle lle gall pobl, waeth beth fo’u cefndir, wneud eu gwaith gorau gyda’u holl angerdd, lle gall pobl fod yn fregus a theimlo’n ddiogel, lle gall pobl dyfu, a newid y byd. Rydyn ni’n gwybod bod hyn yn wahanol i bawb, ac mae pob aelod o’r tîm yn gweithio yn ei ffordd ei hun. Rydyn ni’n gwneud darpariaeth ar gyfer hynny.
Cyfarwyddwr y Palasau Hwyl
Mae Amie Taylor (hi/ei) wedi bod yn ymwneud â’r Palasau Hwyl ers 2013, ac wedi gwneud pedwar Palas Hwyl. Ymunodd â Thîm Pencadlys y Palasau Hwyl yn 2021 fel cynhyrchydd.
Mae hi’n awdur, crëwr theatr, hwylusydd gweithdai a chynhyrchydd. Mae hi wedi ysgrifennu tair llyfr: The Big Book of LGBTQ+ Activities, The Monster Book of Feelings a Pride Families. Mae hi wedi ysgrifennu dramâu byrion a chreu sioeau theatr i blant ac wedi teithio o gwmpas theatrau, gwyliau ac ysgolion gyda’r gwaith hwn. Gwnaeth Amie sefydlu LGBTQ+ Arts Review a’i redeg am 6 mlynedd, gan reoli tîm o adolygwyr theatr ledled Llundain a thu hwnt. Mae hi wrth ei bodd gyda phypedau cysgod, bod yn yr awyr agored a karaoke.
Cynhyrchydd Gweithredol
Mae Orla Nicholls (hi/ei) yn frwd dros dechnoleg ac mae ganddi ddiddordeb mawr mewn cynllunio. Ymunodd â thîm y Palasau Hwyl yn wreiddiol yn rôl y Cydlynydd. Dechreuodd ei thaith Palas Hwyl yn 2014, gan greu Palas Hwyl Luton dros benwythnos dathlu mis Hydref, felly mae’n gallu dod â phrofiad o fod yn Grëwr i’r rôl o lygad y ffynnon.
Pan nad yw’n gweithio i’r Palasau Hwyl, mae’n rhoi benthyg ei harbenigedd i berchnogion busnesau bach, gan eu helpu i gynnal digwyddiadau rhithwir a manteisio i’r eithaf ar eu technoleg ddigidol. Mae Orla hefyd yn cynnal grŵp cydweithfa grefftau misol yn Luton yn ogystal â digwyddiadau cymunedol eraill. Mae ganddi ddiddordeb mawr yng ngrym cysylltiadau rhwng y cenedlaethau ar gyfer cymunedau yn ogystal â chwyddo lleisiau sydd heb eu cynrychioli’n ddigonol.
Cynhyrchydd
Ymunodd Rachel Attfield (hi/ei) â’r Palasau Hwyl ym mis Mai 2024. Mae Rachel hapusaf pan fydd hi’n creu pethau, mae hyn ar ffurf crefftau traddodiadol ac anghofiedig, clymau, plethu ac unrhyw beth wedi’i wehyddu. Mae ei gwaith wedi cael ei arddangos yn ddiweddar yn Trowbridge Gardens yn Hackney Wick yn dilyn preswyliad fel artist. Dechreuodd ei gyrfa mewn dawns gan weithio fel coreograffydd ac ymarferydd ymgysylltu.
Yn 2020, diolch i seibiant gyrfa, dechreuodd Rachel ar MA mewn Astudiaethau Diwylliannol ym Mhrifysgol Goldsmiths Llundain lle archwiliodd Ddemocratiaeth Ddiwylliannol gan ganolbwyntio ar reoli diwylliant o fewn rhaglenni cyfranogol a ariennir. Mae Rachel yn gyffrous i fod yn rhan o’r Palasau Hwyl lle gall roi’r ymchwil hon ar waith, ac mae ei rôl yn cyflawni dyhead hirdymor i fod yn rhan o’r sefydliad ar ôl clywed sgwrs ysbrydoledig Stella Duffy am y Palasau Hwyl yn 2015.
Cydlynydd Ymgyrchoedd
Ria Patel (nhw/hi) yw’r Cydlynydd Ymgyrchoedd erbyn hyn, ar ôl dechrau fel Cydlynydd Prosiectau. Maent yn angerddol dros amrywiaeth wirioneddol, cynhwysiant a meithrin perthyn. Astudiodd Seicoleg yn y brifysgol, ond mae wedi bod yn angerddol dros y celfyddydau erioed, ar ôl dawnsio o oedran ifanc.
Maen nhw’n heriwr. Roedd eu profiad cychwynnol mewn ymgyrchoedd gweithredu dros yr hinsawdd, cyfiawnder i fewnfudwyr a rhyddhad Cwiar ar raddfa leol a chenedlaethol, ond mae hyn wedi ehangu ers hynny.
Mae hi hefyd yn ymwneud â gwleidyddiaeth leol yn Croydon, gan fod yn gynghorydd anneuaidd ieuengaf erioed Croydon a’r person annueaidd cyntaf i fod yn gynghorydd. Pan nad yw’n gweithio, mae Ria’n cael llawenydd mewn dawnsio, darllen a bod ym myd natur!
Rheolwr Cyfathrebu a Marchnata
Chama Aimable-Kapumpa (fe/ef) yw aelod mwyaf newydd Hwb Cefnogi’r Palasau Hwyl, ar ôl ymuno ym mis Medi 2025. Mae wedi gweithio i nifer o leoliadau celfyddydol yn Llundain a ledled y DU, ac mae’n angerddol iawn dros ehangu cyfranogiad creadigol. Ar hyn o bryd mae’n Rheolwr Marchnata Tramshed yn Woolwich, de-ddwyrain Llundain.
Mae hefyd yn Ymddiriedolwr i Gwmni Theatr Ardent, sefydliad y mai ei genhadaeth yw rhoi terfyn ar anghydraddoldeb dosbarth yn y theatr. Mae Chama wedi ysgrifennu adolygiadau theatr ar gyfer Words of Colour yn y gorffennol ac roedd yn gyd-gyflwynydd cyfres olaf y podlediad Artistic State of Mind.